ലോകത്തെ ആദ്യ ട്രില്യണയർ ആയി മാറാൻ ഇലോൺ മസ്ക്..
ലോകധനികരിൽ ഇലോൺ മസ്ക് ഒന്നാം സ്ഥാനത്ത് തുടരുന്നു. ഏറ്റവും പുതിയ ' Hurun Global Rich List 2026 ' പ്രകാരം അദ്ദേഹത്തിന്റെ ആസ്തി 792 ബില്യൺ ഡോളറുകളാണ്. കഴിഞ്ഞ വർഷവുമായി താരതമ്യപ്പെടുത്തുമ്പോൾ ഇത് 89% വർധനവാണ്. ലോകത്തെ ആദ്യ ട്രില്യണയർ ആയി അദ്ദേഹം വരും വർഷങ്ങളിൽ മാറിയേക്കും ലോകമാകെയുള്ള ബില്യണയേഴ്സിന്റെ എണ്ണം 4,020 എന്ന റെക്കോർഡിൽ എത്തി നിൽക്കുകയാണ്. ടെക്നോളജി കമ്പനികളുടെ വാല്യുവേഷനിലുണ്ടായ വർധനയാണ് ഇതിന് പ്രധാന കാരണം. ഇന്ത്യൻ കമ്പനിയായ റിലയൻസ് ഇൻഡസ്ട്രീസിന്റെ ചെയർമാൻ മുകേഷ് അംബാനിയും ആഗോള ധനികരുടെ പട്ടികയിൽ ഇടം നേടിയിരിക്കുന്നു.
മസ്കിന്റെ എയ്റോസ്പെയ്സ് കമ്പനിയായ സ്പെയ്സ് എക്സിന്റെ വാല്യുവേഷൻ മാനം മുട്ടിയതാണ് അദ്ദേഹത്തിന്റെ ആസ്തി മൂല്യത്തിലും പ്രതിഫലിച്ചത്. ഇ.വി വിപണിയിൽ ടെസ്ല മികച്ച പ്രകടനം നടത്തുന്നതും നേട്ടമായി മാറി.
അടുത്ത ഏതാനും വർഷങ്ങൾക്കുള്ളിൽ ലോകത്തെ ആദ്യ ട്രില്യണയർ ആയി ഇലോൺ മസ്ക് മാറുമെന്നാണ് കണക്കാക്കപ്പെടുന്നത്. സ്പെയ്സ് എക്സ്പ്ലൊറേഷൻ,നിർമിത ബുദ്ധി അടക്കമുള്ള സെക്ടറുകൾക്ക് നിക്ഷേപകർ വലിയ മൂല്യം കല്പിക്കുന്നത് മസ്കിന്റെ ആസ്തിയും പ്രതിഫലിക്കുന്നു.
മുകേഷ് അംബാനിയും ആസ്തിയും
മുകേഷ് അംബാനിയുടെ ആസ്തി 109 ബില്യൺ ഡോളറുകളാണ്. 5G സാങ്കേതിക വിദ്യയിൽ റിലയൻസ് നടത്തുന്ന സ്ട്രാറ്റജിക് ഇൻവെസ്റ്റ്മെന്റ്, റീടെയിൽ ബിസിനസ് വികസനം, റിന്യൂവബിൾ സെക്ടറിലെ ബിസിനസ് തുടങ്ങിയവയെല്ലാം അംബാനിക്ക് നേട്ടമായി മാറി. ഏഷ്യയിലെ ഏറ്റവും വലിയ ധനികൻ എന്ന സ്ഥാനവും അദ്ദേഹം നില നിർത്തിയിരിക്കുന്നു
ലോകത്തെ ബില്യണയേഴ്സിൽ 308 ആളുകളും ഇന്ത്യയിൽ നിന്നുള്ളവരാണ്. ഇത്തരത്തിൽ ചൈനയ്ക്കും, യു.എസിനും പിന്നിലാണ് ഇന്ത്യയുടെ സ്ഥാനം. ഇന്ത്യയിലെ എനർജി, ടെലികോം സെക്ടറുകളുടെ വളർച്ച ബില്യണയേഴ്സിന്റെ എണ്ണം വർധിക്കാൻ ഒരു കാരണമാണ്.
