Breaking News

കോവിഡ്​ മഹാമാരി ഇതുവരെ ബാക്കിവെച്ചത്​ 80 ലക്ഷം ടൺ പ്ലാസ്റ്റിക്​ മാലിന്യം; 25,000 ടൺ സമുദ്രത്തിലെത്തിയെന്ന്​


ന്യൂയോർക്ക്​: കോവിഡ്​ മഹാമാരി ആഗോളതലത്തിൽ ഇതുവരെ സൃഷ്​ടിച്ചത്​ 80ലക്ഷം ടൺ പ്ലാസ്റ്റിക്​ മാലിന്യം. ഇതിൽ 25,000 ടണ്ണിലധികം മാലിന്യം സമുദ്രത്തിലെത്തിയതായും പഠനത്തിൽ കണ്ടെത്തി.

നാഷനൽ അക്കാദമി ഓഫ്​ സയൻസസിന്‍റെ ജേണലി​ൽ പ്രസിദ്ധീകരിച്ച ലേഖനത്തിലാണ്​ കണക്കുകൾ. സമുദ്രത്തിലെത്തിയ മാലിന്യത്തിന്‍റെ ഭൂരിഭാഗവും മൂന്നുനാലുവർഷത്തിനുള്ളിൽ ബീച്ചുകളിൽ അടിഞ്ഞുകൂടുമെന്നും പഠനത്തിൽ പറയുന്നു. കടലിലെത്തിയ മാലിന്യത്തിന്‍റെ ഒരു ഭാഗം ഉൾ​ക്കടലിലേക്ക്​ പോകും. ഇവ പിന്നീട്​ ആർട്ടിക്​ സമുദ്രത്തിൽ അടിഞ്ഞുകൂടുമെന്നും പഠനത്തിൽ പറയുന്നു.

കോവിഡ്​ മഹാമാരി ഒറ്റത്തവണ ഉപയോഗിക്കുന്ന പ്ലാസ്റ്റിക്കുകളുടെ ഉപ​ഭോഗം വർധിപ്പിച്ചു. ഫേസ്​ മാസ്​കുൾ, ഗ്ലൗസുകൾ, മുഖാവരണങ്ങൾ തുടങ്ങിയവ ഇതിൽ ഉൾപ്പെടും. ലോകത്ത്​ രൂക്ഷമായ പ്ലാസ്റ്റിക്​ മാലിന്യ പ്രതിസന്ധി കോവിഡ്​ കാലഘട്ടത്തിൽ ഉയർന്നുവെന്നും അവർ പറയുന്നു.

മഹാമാരി സമയത്ത്​ ഉൽപ്പാദിപ്പിക്കുന്ന അധിക പ്ലാസ്റ്റിക്​ മാലിന്യത്തിന്‍റെ 90 ശതമാനവും ആശുപത്രികളിൽനിന്നാണ്​. 7.6 വ്യക്തികളിൽനിന്നും 4.7 ശതമാനം പാക്കേജിങ്​ ഉൾപ്പെടെയുള്ളവരിൽനിന്നാണെന്നും പഠനത്തിൽ പറയുന്നു.

No comments