Featured Posts

Breaking News

ജിയോ 5ജി കേരളത്തിലെ രണ്ട് ജില്ലകളിൽ കൂടി


ജിയോ 5ജി കേരളത്തിലെ രണ്ട് ജില്ലകളിലേക്ക് കൂടി എത്തുന്നു. ജിയോ 5ജിയുടെ അടുത്ത ഘട്ടം ഇന്ത്യയിലെ 10 നഗരങ്ങളിലാണ് നടപ്പാക്കുക. ഇതിലാണ് കേരളത്തിലെ രണ്ട് ജില്ലകളും ഇടംപിടിച്ചിരിക്കുന്നത്.

തിങ്കളാഴ്ചയാണ് റിലയൻസ് ജിയോ സുപ്രധാന പ്രഖ്യാപനം നടത്തിയത്. ആഗ്രഹ, കാൻപൂർ, മീരട്ട്, പ്രയാഗ്രാജ്, തിരുപ്പതി, നെല്ലൂർ, കോഴിക്കോട്, തൃശൂർ, നാഗ്പൂർ, അഹമ്മദ്‌നഗർ എന്നിവിടിങ്ങളിലാണ് ഇനി 5ജി സേവനം ലഭ്യമാവുക. ഈ നഗരങ്ങളിലെ ഉപഭോക്താക്കൾക്ക് ഇനി മുതൽ ജിയോ വെൽകം ഓഫറിന്റെ ഭാഗമായി സൗജന്യമായി 5ജി സേവനം ലഭ്യമാകും.

നിലവിൽ ഇന്ത്യയിലെ 72 നഗരങ്ങളിൽ ജിയോ 5ജി ലഭ്യമാണ്. ഈ വർഷം അവസാനത്തോടെ രാജ്യത്തെ ഓരോ താലൂക്കിലും 5ജി ലഭ്യമാക്കാനാണ് റിലയൻസ് ലക്ഷ്യമിടുന്നതെന്ന് കമ്പനി അറിയിച്ചു.

പുതിയ നഗരങ്ങളിലുള്ളവർക്ക് മൈ ജിയോ ആപ്പിൽ ഇൻവൈറ്റ് ലഭിക്കുന്നതനുസരിച്ച് 5ജി നെറ്റ്‌വർക്കിലേക്ക് മാറാം. 5ജി സേവനം ലഭ്യമാവുന്ന മൊബൈൽ ഫോണുകളിൽ മാത്രമേ ഇത് സാധിക്കൂ. ഇങ്ങനെ 5ജി സേവനം ലഭിക്കുന്നവർക്ക് സെക്കൻഡിൽ 500 മെഗാബിറ്റ്സ് മുതൽ 1 ജിഗാബിറ്റ്സ് വരെ വേഗതയുള്ള പരിധിയില്ലാത്ത 5ജി ഡേറ്റയും ജിയോ നൽകുന്നുണ്ട്. 5ജി സേവനത്തിനായി പുതിയ സിം കാർഡ് വാങ്ങേണ്ടതില്ല.

No comments