മഹാരാഷ്ട്രയിൽ‌ വീണ്ടും പേരുമാറ്റം; അഹമ്മദ് ന​ഗർ ഇനി അഹില്യ ന​ഗർ

അഹമ്മദ് ന​ഗറിന്റെ പേരുമാറ്റി മഹാരാഷ്ട്ര സർക്കാർ. അഹില്യ ന​ഗറെന്നാണ് പുതിയ പേര്. പേരുമാറ്റം മഹാരാഷ്ട്ര മന്ത്രിസഭ അം​ഗീകരിച്ചു. എട്ട് സബ് അർബൻ റെയിൽവേസ്റ്റേഷനുകളുടേയും പേര് മാറ്റും. ബ്രിട്ടീഷ് ഭരണകാലത്ത് നൽകിയ പേരുകൾ മാറ്റുന്നുവെന്ന് പ്രഖ്യാപിച്ചുകൊണ്ടാണ് ഏക്നാഥ് ഷിൻ‌ഡെ മന്ത്രിസഭ റെയിൽവേ സ്റ്റേഷനുകളുടേയും പേര് മാറ്റിയിരിക്കുന്നത്.

മു​ഗൾ ഭരണകാലത്തെ ഓർമിപ്പിക്കുന്ന പേരായതിനാലാണ് അഹമ്മദ് ന​ഗറിന്റെ പേര് മാറ്റുന്നത്. 18-ാം നൂറ്റാണ്ടിൽ ജീവിച്ചിരുന്ന മറാത്ത രാജ്ഞിയായ അഹില്യഭായ് ഹോൽകറിന്റെ സ്മരണാർത്ഥമാണ് അഹില്യ ന​ഗറെന്ന പുതിയ പേര്. അഹില്യഭായ് ഹോൽകറിന്റെ 298-ാമത് ജന്മവാർഷികത്തിലാണ് പേരുമാറ്റമെന്നതും ശ്രദ്ധേയമാണ്. ഈ വർഷം ആദ്യം ഔറംഗബാദിനെ ഛത്രപതി സംഭാജിനഗർ എന്നും ഒസ്മാനാബാദിനെ ധാരാശിവ് എന്നും പുനർനാമകരണം ചെയ്തിരുന്നു.

മഹാരാഷ്ട്രയുടെ സാംസ്കാരിക പൈതൃകത്തിന് അനുസൃതമായി റെയിൽവേസ്റ്റേഷനുകൾക്ക് പേരുനൽകാനുള്ള തീരുമാനത്തിന്റെ ഭാ​ഗമായാണ് റെയിൽവേസ്റ്റേഷനുകളുടെ പേരുകൾ മാറ്റുന്നത്. 

കറി റോഡിന്റെ പേര് ലാൽബാ​ഗെന്നും മറൈൻ ലൈൻസിന്റെ പേര് മുംബാദേവിയെന്നും സാൻഡ്ഹേർസ്റ്റ് റോഡിന്റെ പേര് ഡോൻ​ഗ്രിയെന്നും കോട്ടൺ ​ഗ്രീന്റെ പേര് കലാചോക്കിയെന്നും ചാർനി റോഡിന്റെ പേര് ​ഗിർ​ഗോണിയെന്നും ഡോക്കിയാർഡ് റോഡിന്റെ പേര് മസ്​ഗോണെന്നും കിം​ഗ് സർക്കിളിന്റെ പേര് തിർതകർ പർശിവ്നാഥെന്നുമാണ് മാറ്റുന്നത്.

Shorts: Ahmed Nagar has been renamed by the Maharashtra government. The new name is Ahilya Nagar. Maharashtra cabinet approved the name change. All eight sub-urban railway stations will be renamed. Eknath Shinde's cabinet has also changed the names of railway stations by announcing that they will change the names given during the British rule.