മു​ണ്ടു​ടു​ത്ത ക​ർ​ഷ​ക​ന് പ്ര​വേ​ശ​നം നി​ഷേ​ധിച്ചു; ബം​ഗ​ളൂ​രു​വി​ൽ മാ​ൾ അ​ട​ച്ചു​പൂ​ട്ടി

ബം​ഗ​ളൂ​രു: പ​ര​മ്പ​രാ​ഗ​ത വേ​ഷം ധ​രി​ച്ചെ​ത്തി​യ ക​ർ​ഷ​ക​ന് ബം​ഗ​ളൂ​രു​വി​ലെ ഷോ​പ്പി​ങ് മാ​ളി​ൽ പ്ര​വേ​ശ​നം നി​ഷേ​ധി​ച്ച സം​ഭ​വ​ത്തി​ൽ ന​ട​പ​ടി​യു​മാ​യി അ​ധി​കൃ​ത​ർ. മു​ണ്ടു​ടു​ത്ത ക​ർ​ഷ​ക​നെ ത​ട​ഞ്ഞ ബം​ഗ​ളൂ​രു മാ​ഗ​ഡി റോ​ഡി​ലെ ജി.​ടി വേ​ൾ​ഡ് മാ​ളി​ന് പൂ​ട്ടി​ടാ​ൻ ബൃ​ഹ​ത് ബം​ഗ​ളൂ​രു മ​ഹാ​ന​ഗ​ര പാ​ലി​കെ (ബി.​ബി.​എം.​പി) തീ​രു​മാ​നി​ച്ചു. 2023 -24 വ​ർ​ഷ​ത്തെ വ​സ്തു നി​കു​തി അ​ട​ച്ചി​ല്ലെ​ന്ന കാ​ര​ണം ചൂ​ണ്ടി​ക്കാ​ട്ടി​യാ​ണ് ന​ട​പ​ടി.

അ​തേ​സ​മ​യം, ക​ർ​ഷ​ക​നെ ത​ട​ഞ്ഞ സം​ഭ​വം ക​ർ​ണാ​ട​ക നി​യ​മ​സ​ഭ​യി​ലും ച​ർ​ച്ച​യാ​യി. ഈ ​വി​ഷ​യ​ത്തി​ൽ മാ​ൾ ഒ​രാ​ഴ്ച​ത്തേ​ക്ക് അ​ട​ച്ചി​ടാ​ൻ നി​യ​മ​വ്യ​വ​സ്ഥ​യു​ണ്ടെ​ന്നും ബി.​ബി.​എം.​പി ഉ​ദ്യോ​ഗ​സ്ഥ​രോ​ട് ഇ​ക്കാ​ര്യം സം​സാ​രി​ച്ച​താ​യും ക​ർ​ണാ​ട​ക ന​ഗ​ര വി​ക​സ​ന മ​ന്ത്രി ബൈ​ര​തി സു​രേ​ഷ് സ​ഭ​യെ അ​റി​യി​ച്ചു. മ​ന്ത്രി​യു​ടെ തീ​രു​മാ​നം സ്വാ​ഗ​തം​ചെ​യ്ത സ്പീ​ക്ക​ർ യു.​ടി. ഖാ​ദ​ർ ന​ട​പ​ടി വേ​ഗ​ത്തി​ൽ ന​ട​പ്പാ​ക്ക​ണ​മെ​ന്ന് ആ​വ​ശ്യ​പ്പെ​ട്ടു. 

ഇ​തി​നു പു​റ​മെ​യാ​ണ് വ​സ്തു​നി​കു​തി അ​ട​ക്കു​ന്ന​തി​ലെ വീ​ഴ്ച ചൂ​ണ്ടി​ക്കാ​ട്ടി ബി.​ബി.​എം.​പി​യു​ടെ സ​മാ​ന്ത​ര ന​ട​പ​ടി. 1.78 കോ​ടി രൂ​പ​യാ​ണ് നി​കു​തി​യി​ന​ത്തി​ൽ ജി.​ടി വേ​ൾ​ഡ് മാ​ൾ അ​ധി​കൃ​ത​ർ അ​ട​ക്കാ​നു​ള്ള​തെ​ന്നും ഇ​തു​സം​ബ​ന്ധി​ച്ച് നോ​ട്ടീ​സ് ന​ൽ​കി​യി​രു​ന്ന​താ​യും ബി.​ബി.​എം.​പി സോ​ണ​ൽ ക​മീ​ഷ​ണ​ർ വി​നോ​ദ് പ്രി​യ അ​റി​യി​ച്ചു.

ചൊ​വ്വാ​ഴ്ച വൈ​കീ​ട്ടാ​ണ് സം​ഭ​വം. 70കാ​ര​നാ​യ ഫ​ക്കീ​ര​പ്പ എ​ന്ന ക​ർ​ഷ​ക​ൻ മ​ക​ൻ നാ​ഗ​രാ​ജി​നൊ​പ്പം സി​നി​മ കാ​ണാ​നാ​യാ​ണ് മാ​ളി​ലെ​ത്തി​യ​ത്. എ​ന്നാ​ൽ, സെ​ക്യൂ​രി​റ്റി ജീ​വ​ന​ക്കാ​ർ ഫ​ക്കീ​ര​പ്പ​യെ ത​ട​ഞ്ഞു. മാ​ളി​ലെ ഡ്ര​സ് കോ​ഡ് പ്ര​കാ​രം ​മു​ണ്ടു​ടു​ത്ത് ക​യ​റാ​നാ​വി​ല്ലെ​ന്ന് അ​റി​യി​ച്ചു. 

സം​ഭ​വ​ത്തി​ന്റെ വി​ഡി​യോ ദൃ​ശ്യം മ​ക​ൻ നാ​ഗ​രാ​ജ് പ​ക​ർ​ത്തി​യ​ത് സ​മൂ​ഹ മാ​ധ്യ​മ​ത്തി​ൽ പ​ങ്കു​വെ​ച്ച​തോ​ടെ വൈ​റ​ലാ​യി. ക​ർ​ഷ​ക​രും ക​ന്ന​ട അ​നു​കൂ​ല സം​ഘ​ട​ന പ്ര​വ​ർ​ത്ത​ക​രും സം​ഘ​ടി​ച്ച് മാ​ളി​ന് മു​ന്നി​ൽ മു​ണ്ടു​ടു​ത്തെ​ത്തി പ്ര​തി​ഷേ​ധി​ച്ചു. ഇ​തോ​ടെ മാ​ൾ അ​ധി​കൃ​ത​ർ ക്ഷ​മാ​പ​ണം ന​ട​ത്തി. പ്ര​തി​ഷേ​ധ​ക്കാ​ർ ഫ​ക്കീ​ര​പ്പ​യെ മാ​ളി​ലെ​ത്തി​ച്ച് ഹാ​ര​മ​ണി​യി​ച്ച് ആ​ന​യി​ച്ചു. മാ​ൾ അ​ധി​കൃ​ത​രു​ടെ ന​ട​പ​ടി​ക്കെ​തി​രെ രാ​ഷ്ട്രീ​യ, സാ​മൂ​ഹി​ക ത​ല​ങ്ങ​ളി​ൽ​നി​ന്ന് വി​മ​ർ​ശ​ന​മു​യ​ർ​ന്നു. ഇ​തി​നു​പി​ന്നാ​ലെ​യാ​ണ് മാ​ളി​ന് പൂ​ട്ടി​ട്ട് ബി.​ബി.​എം.​പി ന​ട​പ​ടി.